ஐபிஎல் 2022 சீசனில் பங்கேற்கும் லக்னோ, அகமதாபாத் அணிகள் தலா மூன்று வீரர்களை இன்று ஒப்பந்தம் செய்துள்ளது.

சர்வதேச கிரிக்கெட் கவுன்சில் (ஐசிசி) இன்று வெளியிட்ட அணிகளுக்கான டெஸ்ட் தரவரிசைப் பட்டியலில் மூன்றாவது இடத்திலிருந்த அவுஸ்திரேலிய அணி முதல் இடத்துக்கு முன்னேறியுள்ளது. இந்திய அணி முதலாவது இடத்திலிருந்து 3வது இடத்துக்குச் சரிந்துள்ளது.

பாகிஸ்தானில் இடம்பெறும் சர்வதேச குத்துச்சண்டை போட்டியில் பங்குகொண்ட முல்லைத்தீவு யுவதியான கணேஷ் இந்துகாதேவி தங்கப்பதக்கம் வென்றுள்ளார்.

அவுஸ்திரேலிய அணி ஆஷஸ் டெஸ்ட் கோப்பையை வென்றபின், ஷாம்ப்பைன் மதுக் கொண்டாட்டத்தில் ஈடுபட இருந்தபோது, கவாஜா முஸ்லிம் என்பதற்காக அதை நிறுத்தி மாற்று மதத்தினருக்கான மரியாதையை அளித்த கப்டன் கம்மின்ஸ் செயல் பாராட்டைப் பெற்றுள்ளது.

10 வது வன்னியின் பெரும்போர் சமநிலையில் நிறைவடைந்தது. கிளிநொச்சி மகாவித்தியாலய அணி முதல் இனிங்சில் 9 விக்கட்டுகளை இழந்து 250 ஓட்டங்களை குவித்து முதல் இனிங்சை நிறைவு செய்தது.

சிம்பாவே அணியுடனான முதலாவது ஒருநாள் போட்டியில், 5 விக்கெட் வித்தியாசத்தில் இலங்கை அணி வெற்றியீட்டியது. இதன்மூலம், 3 போட்டிகள் கொண்ட ஒருநாள் தொடரில் 1-0 என முன்னிலை பெற்றுள்ளது.

வன்னியின் பெரும்போர் முதல் நாள் ஆட்டம் இன்று நிறைவு பெறும் போது, கிளிநொச்சி மகாவித்தியாலய அணி 2 விக்கெட் இழப்பிற்கு 83 ஓட்டங்களை பெற்றிருந்தது.

வன்னியின் பெரும்போர் என்று அழைக்கப்படும் கிளிநொச்சி மகா வித்தியாலய அணிக்கும் புதுக்குடியிருப்பு மத்திய கல்லூரிக்குமிடையிலான நட்புக்கிண்ணத் தொடர் கோலாகலமாக ஆரம்பமானது. குறித்த ஆரம்ப நிகழ்வு இன்று காலை 9 மணியளவில் பாடசாலை மைதான முன்றலில் ஆரம்பமானது.

இந்திய டெஸ்ட் அணியின் கப்டன் பதவியிலிருந்து விராட் கோலி திடீரென விலகுவதாக நேற்று அறிவித்துள்ளார். என்னுடைய பணியை முழுமையாக நேர்மையாகச்செய்தேன், நான் பதவியிலிருந்து இறங்க சரியான தருணம் என்று கோலி தெரிவித்துள்ளார்

இந்திய அணிக்கு எதிரான 3 போட்டிகள் கொண்ட டெஸ்ட் தொடரை 1-2 என்ற கணக்கில் வென்று வரலாற்றை மாறவிடாமல் தென்னாபிரிக்க அணி தக்கவைத்தது.

சர்வதேச கிரிக்கெட்டிலிருந்து ஓய்வுபெறும் முடிவை பானுக ராஜபக்ச கைவிட்டுள்ளார்.

இலங்கையில் கிரிக்கெட் சுற்றுப்பயணம் மேற்கொண்டு இன்று (10) காலை இலங்கை வந்துள்ள சிம்பாவே கிரிக்கட் அணியின் தலைமைப் பயிற்றுவிப்பாளர் லால்சந்த் ராஜ்புத் ‘கொவிட்’ தொற்றால் பாதிக்கப்பட்டுள்ளதாக இலங்கை கிரிக்கெட்டின் உயர் அதிகாரி ஒருவர் தெரிவித்துள்ளார்.

ஒருநாள் தொடரில் பங்கேற்பதற்காக சிம்பாவே தேசிய கிரிக்கெட் அணி இன்று அதிகாலை இலங்கை வந்தடைந்தது.

டென்னிஸ் உலகத் தரவரிசையில் முதலிடத்தில் உள்ள நோவாக் ஜோகோவிச், அவுஸ்திரேலியாவில் நான்காவது நாளாகத் தடுத்து வைக்கப்பட்டுள்ளார்.

இலங்கையில் நடைபெறும் மூன்று போட்டிகள் கொண்ட ஒருநாள் தொடருக்கு சிம்பாவே அணியின் தலைவராக கிரேக் எர்வின் நியமிக்கப்பட்டுள்ளார்.

சர்வதேச கிரிக்கெட் அரங்கில் இருந்து விரைவில் ஓய்வு பெறும் எண்ணம் இல்லை என இலங்கை தேசிய கிரிக்கெட் அணியின் துடுப்பாட்ட வீரரர் அவிஷ்க பெர்னாண்டோ தெரிவித்துள்ளார்.